اکیلی پھرتی ہے آنکھوں میں لے کے پانی شام

اکیلی پھرتی ہے آنکھوں میں لے کے ، پانی ، شام

متین ، ہم سے نہ دیکھی گئی ، دِوانی شام

نظر کے سامنے ، پھیلی ہوئی ، سُہانی ، شام

پلک جھپکتے ہی ہوجائے گی ، کہانی ، شام

یہ سلسلہ تو زمانے سے ہے یونہی ، جاری

بڑھاپا رات ہے ، بچپن ہے دن ، جوانی شام

ہے اس میں ایسی پُراسراریت کہ مت پوچھو

کہانیوں کی کہانی ، عجب کہانی ، شام

کسی کا عکس جو پانی میں آج دیکھا ہے

تو یاد آگئی ، بھولی ہوئی ، پُرانی شام

پگھلتی ریت کے ذروں میں خواب کے موتی

یہ جاتے جاتے ، مجھے دے گئی ، نشانی شام