ہم سے کیا پوچھتے ہو کیا ہے رات - Ghyas Mateen | غیاث متین | Urdu_Poetry | Ghazals | Nazms | Official website

2017-04-06

ہم سے کیا پوچھتے ہو کیا ہے رات

hamse-kya-poochte-ho-kya-hai-raat

ہم سے کیا پوچھتے ہو کیا ہے ، رات
اس کی باتوں کا سلسلہ ہے ، رات
آسماں تک جو لے کے جاتا ہے
ایک ایسا ہی راستہ ہے ، رات
فلسفہ رات کا بس اتنا ہے
اِک عجوبہ ہے ، معجزا ہے ، رات
رات کو تم حقیر مت جانو
دن اگر جسم ہے ، رِدا ہے ، رات
رات آنکھوں میں کاٹنے والو ،
اِک تم ہی جانتے ہو ، کیا ہے ، رات
رات کا رنگ ، رات کی خوشبو
کون محسوس کرسکا ہے ، رات
رات سوکر گزارتے ہو متین!
تم کو معلوم بھی ہے کیا ہے ، رات

کوئی تبصرے نہیں:

ایک تبصرہ شائع کریں