| کہیں چراغ ، کہیں آئینہ بنا ، اخبار |
| سحر کی آنکھ کھلی اور نکل گیا ، اخبار |
| اسے تو کُھل کے برسنا تھا ، مثلِ اَبرِ رَواں |
| خود اپنی ذات میں لیکن سمٹ گیا ، اخبار |
| کسی کی آنکھ میں تازہ کنول کھلاتا ہے |
| کسی کی آنکھ میں نشتر چبھو گیا ، اخبار |
| شعاعِ مہر کی آواز قید کرنے کو |
| تمام رات ، مگر جاگتا رہا ، اخبار |
| متین ، آئینہ بن کر نہ جی سکو گے تم |
| یہ مجھ سے کہنے لگا ، آج شام کا اخبار |
غیاث متین [پ: 10/نومبر 1942 ، م: 21/اگست 2007] کی یہ آفیشیل ویب سائٹ ہے جو ان کے فرزند سید آفاق متین کی زیر نگرانی قائم کی گئی ہے۔
غیاث متین نے جامعہ عثمانیہ سے ایم۔اے (گولڈ میڈلسٹ) کی تکمیل کے بعد سری وینکٹیشورا یونیورسٹی، تروپتی سے بی۔ایڈ کیا۔ بعد ازاں پروفیسر مغنی تبسم صدر شعبۂ اردو، جامعہ عثمانیہ کی زیر نگرانی ''ن۔م۔راشد - ایک تجزیاتی مطالعہ'' کے عنوان سے ڈاکٹریٹ کی تکمیل کی۔ شعبۂ اُردو ، جامعہ عثمانیہ میں لکچرر کی حیثیت سے جنوری 1975 میں ان کا تقرر عمل میں آیا۔ 1992 میں پروفیسر کے عہدے پر فائز ہوئے ۔ 1995-98 صدر شعبۂ اُردو اور 1996-98 چیئرمین بورڈ آف اسٹیڈیز کی حیثیت سے خدمات انجام دیں۔ نومبر 2002ء کو وظیفہ حسن خدمت پر سبکدوش ہوئے ۔
کوئی تبصرے نہیں:
ایک تبصرہ شائع کریں