میں سوچوں تجھ کو اور سوچا نہ جائے - Ghyas Mateen | غیاث متین | Urdu_Poetry | Ghazals | Nazms | Official website

2017-04-21

میں سوچوں تجھ کو اور سوچا نہ جائے

mai-sochon-tujhko-aur-socha-na-jaye
میں سوچوں تجھ کو اور سوچا نہ جائے
کوئی دن عمر کا ، ایسا نہ جائے
سمندر ، دھوپ سے لپٹا ہوا ہے
سمندر کی طرف دیکھا نہ جائے
وہاں سنتا ہے میری بات کوئی
جہاں آواز کا سایہ نہ جائے
اسی سے دل کی سیرابی ہے لوگ
نکل کر آنکھ سے دریا نہ جائے
متین اس شہرِ نا پُرساں سے دیکھو
کہیں چاہوں بھی تو جایا نہ جائے

کوئی تبصرے نہیں:

ایک تبصرہ شائع کریں