اب یہ حسرت ہے کہ منظر کوئی ایسا دیکھوں

اب یہ حسرت ہے کہ منظر کوئی ایسا دیکھوں

شام ہوجائے تو سورج کو نکلتا دیکھو

خواب دہلیز پر آجائیں تو تعبیر کہوں

ورنہ اِک قطرہ بے آب میں دریا دیکھو

چھاوں جتنی تھی مُقدر میں ، سمیٹی، اب تو

دھوپ کے شہر میں دیوار نہ سایہ دیکھو

پھر وہیں سے میں سُناوں گا کہانی اپنی

ہاں مگر شرط یہی ہے ، تجھے تنہا دیکھوں

موسم گُل ہو کہ پت جھڑ ہو ، کوئی رُت ہو متین

شاخ در شاخ پرندوں کو چہکتا دیکھوں