خون میں تمہارے ہیں،
کون سے جسیمے کم؟
سرخ یا سفید؟
ساعتوں کو گھول کر پیو،
کہ دھوپ تیز ہے
کل جو ننھی کونپلیں تھیں،
بیل بَن کے
آسماں کا منہ چڑا رہی ہیں آج
روشنی سے دور
خاص موسموں کے پانیوں کی آس میں،
بند منہ صدف لیے
گرد سے اَٹی چھتوں سے اپنے سر نکال کر،
پھیلتی ہی جارہی ہیں،
اور تم،
دائیں پسلی ہاتھ میں لیے ہوئے،
بائیں پسلی ڈھونڈنے
ہر ایک آسماں کھنگال آئے ہو
شہاب ٹوٹ کر گریں کہ خواب، دیکھتا نہیں،
کوئی، اُداس راستوں کو دیکھ کر،
رُکا نہیں،
زمیں سے آسماں کا تھا کبھی جو سلسلہ، نہیں!
بغیر تیثہ مرسکے کوئی یہاں
وہ داستاں کے شاہزادے ہیں کہاں؟
کون سے جسیمے کم؟
سرخ یا سفید؟
ساعتوں کو گھول کر پیو،
کہ دھوپ تیز ہے
کل جو ننھی کونپلیں تھیں،
بیل بَن کے
آسماں کا منہ چڑا رہی ہیں آج
روشنی سے دور
خاص موسموں کے پانیوں کی آس میں،
بند منہ صدف لیے
گرد سے اَٹی چھتوں سے اپنے سر نکال کر،
پھیلتی ہی جارہی ہیں،
اور تم،
دائیں پسلی ہاتھ میں لیے ہوئے،
بائیں پسلی ڈھونڈنے
ہر ایک آسماں کھنگال آئے ہو
شہاب ٹوٹ کر گریں کہ خواب، دیکھتا نہیں،
کوئی، اُداس راستوں کو دیکھ کر،
رُکا نہیں،
زمیں سے آسماں کا تھا کبھی جو سلسلہ، نہیں!
بغیر تیثہ مرسکے کوئی یہاں
وہ داستاں کے شاہزادے ہیں کہاں؟
غیاث متین [پ: 10/نومبر 1942 ، م: 21/اگست 2007] کی یہ آفیشیل ویب سائٹ ہے جو ان کے فرزند سید آفاق متین کی زیر نگرانی قائم کی گئی ہے۔
کوئی تبصرے نہیں:
ایک تبصرہ شائع کریں