| کہیں خیال ، کہیں خواب سا ، ، ملا دَریا |
| مِرے وجود کا اظہار بن گیا دریا |
| ندی ، سُکون سے مَحوِ سفر رہی لیکن |
| قدم قدم پہ مگر ہانپتا رہا دریا |
| اُسے میں اپنے خیالوں میں قید کر نہ سکا |
| مرے خیال سے آگے نکل گیا ’ دریا |
| ندی نے مُڑکے سمندر کی سمت دیکھا تھا |
| تو اس کی راہ میں دیوار بن گیا ، دریا |
| بڑا غرور تھا اپنے وجود پر اس کو |
| ملا جو آکے سمندر سے کھوگیا ، دریا |
| وہ شخص ریت میں ، منہ چھپائے بیٹھا ہے |
| متین اُس کو ڈبودے نہ ریت کا دریا |
غیاث متین [پ: 10/نومبر 1942 ، م: 21/اگست 2007] کی یہ آفیشیل ویب سائٹ ہے جو ان کے فرزند سید آفاق متین کی زیر نگرانی قائم کی گئی ہے۔
غیاث متین نے جامعہ عثمانیہ سے ایم۔اے (گولڈ میڈلسٹ) کی تکمیل کے بعد سری وینکٹیشورا یونیورسٹی، تروپتی سے بی۔ایڈ کیا۔ بعد ازاں پروفیسر مغنی تبسم صدر شعبۂ اردو، جامعہ عثمانیہ کی زیر نگرانی ''ن۔م۔راشد - ایک تجزیاتی مطالعہ'' کے عنوان سے ڈاکٹریٹ کی تکمیل کی۔ شعبۂ اُردو ، جامعہ عثمانیہ میں لکچرر کی حیثیت سے جنوری 1975 میں ان کا تقرر عمل میں آیا۔ 1992 میں پروفیسر کے عہدے پر فائز ہوئے ۔ 1995-98 صدر شعبۂ اُردو اور 1996-98 چیئرمین بورڈ آف اسٹیڈیز کی حیثیت سے خدمات انجام دیں۔ نومبر 2002ء کو وظیفہ حسن خدمت پر سبکدوش ہوئے ۔
کوئی تبصرے نہیں:
ایک تبصرہ شائع کریں