| یہ نہیں کہ فقط در بہ در گئے ہوتے |
| تمہارا ساتھ نہ ہوتا تو مرگئے ہوتے |
| ہمارے پاس اگر کوئی معجزہ ہوتا |
| تو اس زمین کو گلزار کرگئے ہوتے |
| کھلی فضا سے زیادہ اگر سکوں ملتا |
| پرندے ، شام سے پہلے ہی گھر گئے ہوتے |
| یہ وہ گلی ہے جہاں آسماں بھی جھکتا ہے |
| اب اس گلی سے نکل کر کدھر گئے ہوتے |
| متین ، نسبتِ اسعد اگر نہیں ملتی |
| تو مثل آئینہ ، گر کر بکھر گئے ہوتے |
غیاث متین [پ: 10/نومبر 1942 ، م: 21/اگست 2007] کی یہ آفیشیل ویب سائٹ ہے جو ان کے فرزند سید آفاق متین کی زیر نگرانی قائم کی گئی ہے۔
غیاث متین نے جامعہ عثمانیہ سے ایم۔اے (گولڈ میڈلسٹ) کی تکمیل کے بعد سری وینکٹیشورا یونیورسٹی، تروپتی سے بی۔ایڈ کیا۔ بعد ازاں پروفیسر مغنی تبسم صدر شعبۂ اردو، جامعہ عثمانیہ کی زیر نگرانی ''ن۔م۔راشد - ایک تجزیاتی مطالعہ'' کے عنوان سے ڈاکٹریٹ کی تکمیل کی۔ شعبۂ اُردو ، جامعہ عثمانیہ میں لکچرر کی حیثیت سے جنوری 1975 میں ان کا تقرر عمل میں آیا۔ 1992 میں پروفیسر کے عہدے پر فائز ہوئے ۔ 1995-98 صدر شعبۂ اُردو اور 1996-98 چیئرمین بورڈ آف اسٹیڈیز کی حیثیت سے خدمات انجام دیں۔ نومبر 2002ء کو وظیفہ حسن خدمت پر سبکدوش ہوئے ۔
کوئی تبصرے نہیں:
ایک تبصرہ شائع کریں