2018-08-15

بدنظمی

2018-08-15

یہاں
تکنیکی حقیقتوں کے لیے
سچائی کی قربانی دینی پڑتی ہے
پاکیزگی کی حفاظت کے لیے
طوائف پن اختیار کرنا پڑتا ہے
دل کے ہرن کو بچانے کے لیے
دماغ کی لومڑی کا پہرہ بٹھانا پڑتا ہے
چین کے حصول کے لیے
بے چین ہونا پڑتا ہے
مسکراہٹ کے لیے
آنسو بہانا پڑتا ہے
جذبات کی پرورش کے لیے
پتھر بننا پڑتا ہے

اُجرت کے لیے
بھیک مانگنا پڑتا ہے
وضاحت کے لیے
کنفیوز ہونا پڑتا ہے
یہاں
شاعری کے لیے
کو ّے کی طرح
کائیں کائیں کرنا پڑتا ہے ۔

کوئی تبصرے نہیں:

ایک تبصرہ شائع کریں

سبسکرائب کریں در: تبصرے شائع کریں (Atom)

معجزے سے کم نہیں یہ زندگی اپنی متین

غیاث متین، اس نئی حسیت کے شاعر ہیں جو نئے پیکر بھی تراشتی ہے اور روایت سے مربوط پیکروں کو نئی علامتوں کی صورت بھی عطا کرتی ہے۔
غیاث متین کی شاعری اردو کی اس نئی روایت کا تسلسل ہے، جس کا آغاز ن۔ م۔ راشد سے ہوا۔ اس نئی روایت میں انفرادی اظہار کے لیے ابھی لامحدود فضا ہے۔ غیاث متین نے اجتہاد بھی کیے ہیں اور شخصی علامتوں کی تخلیق بھی کی ہے۔ یہیں ان کی شاعری میں ایک خوشگوار ابہام پیدا ہوتا ہے۔ اس ابہام کا نتیجہ ہے کہ قاری ایک جمالیاتی حیرت کے عالم میں پہنچتا ہے، حیرت نہ ہو تو فن کہاں!
غیاث متین کے علائم، استعارے اور ان کے تراشے ہوے حسی پیکر قاری سے صبر کا مطالبہ کرتے ہیں۔ صورت اور معنی کے درمیان فاصلہ، اچھے فن کی ایک خصوصیت ہے۔
غیاث متین کی شاعری اس فاصلے کی ایک علامت ہے۔

** پروفیسر عالم خوندمیری **

ویب سائٹ تعارف

غیاث متین [پ: 10/نومبر 1942 ، م: 21/اگست 2007] کی یہ آفیشیل ویب سائٹ ہے جو ان کے فرزند سید آفاق متین کی زیر نگرانی قائم کی گئی ہے۔
غیاث متین نے جامعہ عثمانیہ سے ایم۔اے (گولڈ میڈلسٹ) کی تکمیل کے بعد سری وینکٹیشورا یونیورسٹی، تروپتی سے بی۔ایڈ کیا۔ بعد ازاں پروفیسر مغنی تبسم صدر شعبۂ اردو، جامعہ عثمانیہ کی زیر نگرانی ''ن۔م۔راشد - ایک تجزیاتی مطالعہ'' کے عنوان سے ڈاکٹریٹ کی تکمیل کی۔ شعبۂ اُردو ، جامعہ عثمانیہ میں لکچرر کی حیثیت سے جنوری 1975 میں ان کا تقرر عمل میں آیا۔ 1992 میں پروفیسر کے عہدے پر فائز ہوئے ۔ 1995-98 صدر شعبۂ اُردو اور 1996-98 چیئرمین بورڈ آف اسٹیڈیز کی حیثیت سے خدمات انجام دیں۔ نومبر 2002ء کو وظیفہ حسن خدمت پر سبکدوش ہوئے ۔

2018-08-15

بدنظمی

یہ بھی پڑھیے

کوئی تبصرے نہیں:

ایک تبصرہ شائع کریں

معجزے سے کم نہیں یہ زندگی اپنی متین

منتخب غزلیں

منتخب نظمیں

منتخب مضامین

تازہ تبصرے

ویب سائٹ تعارف