انسان کے ککش میں ۔۔۔۔

کیسے ٹال سکتا ہوں تمہاری بات
یہ دیکھو
نا اُمیدی کو جلا رہا ہوں
اسٹیریو کرّہ کو
انسان کے مدار میں داخل کررہا ہوں
طباعت کی غلطیوں سے پُر ،
وقت کے عظیم صحیفے کے
دوسرے ایڈیشن کا خیال چھوڑرہا ہوں
خون میں ڈبوکر،
نیا گیت لکھ رہا ہوں،
لامحدود دھاگے کو توڑکر
دوبارہ جوڑ رہا ہوں
اپنے ہی کھودے ہوئے ڈھیر کو
آنسوؤں کی جھیل میں تبدیل کررہا ہوں

یہ نئی قدروں کا موسم ہے
وائرس سے محتاط رہنے کی ضرورت ہے
غنائیت کھوکر
بیٹ رہ جانے والا
سائیکلون کا سنگیت ہے یہ
بے ربط مناظر سے
کہیں نہ پہنچنے والی ،
اپاہج کہانی کی چال ہے یہ
جلدی جلدی اپنا پتہ بدلنے والا
سمجھ میں نہ آنے والا ، بہاؤ ہے یہ

آسمان ہی پر بھروسا کریں تو
زمین کے ساتھ دھوکا ہوتا ہے
کتنا پُرانا ہے یہ چراغ !
پہلی بار چقماق پتھر میں جاگ اُٹھنے کے بعد سے
آج تک
پلکیں بند نہیں کیا ،
باطن ہی میں ہے سب
تاریکی اور اندھیرے کا
بیان کردہ اور ناقابلِ بیان منظر ہے یہ

نئی صبح ہو ،
نیا سال ہو ،
صاف ستھرا ، جیبی رومال بن جاتے ہیں
آئندہ ہزار دنوں بعد
دوہزار سال وداع ہوتے ہیں
سب اپنا اپنا ہاتھ بڑھاؤ
اور کرّہ کو
انسان کے مدار میں کھینچ لاؤ ۔