میرے احساس کی نکہت مرے فن کی خوشبو - Ghyas Mateen | غیاث متین | Urdu_Poetry | Ghazals | Nazms | Official website

2017-04-12

میرے احساس کی نکہت مرے فن کی خوشبو

mere-ehsaas-ki-nikhat
میرے احساس کی نکہت ، مرے فن کی خوشبو
اے خدا تو نے ہی بخشی ہے ، سخن کی خوشبو
جیسے پانی میں اُترتی ہے کرن ، سورج کی
مجھ میں اُتری ہے تِرے سانولے پَن کی خوشبو
زندگی ، سازِ مسرت پہ ہوا رقصاں بھی تو کیا
درد ہی سے ہے یہاں گیسوئے فن کی خوشبو
میں نے پہنا ہے تجھے اپنے لباسوں کی طرح
کیسے بھولے گی مجھے تیرے بدن کی خوشبو
میرا اظہار علامت ہے نئے لہجے کی
تم بھی محسوس کرو ، میرے سخن کی خوشبو
شاذ و مخدوم و اریب ، اختر و جامی سے متین
دور تک پھیل گئی ، اَرضِ دکن کی خوشبو

کوئی تبصرے نہیں:

ایک تبصرہ شائع کریں